එක සිහිනයක්

ඇත්තටම මෙය කුමක්ද ? සිනහවන්නේ කෙසේද ? 
සමහරු මුවින් සිනාවේ. ඇතැමුන් හිතින් හිනාවේ. තවත් අය මුවින් සිනහ වන නමුත් එය කට කොනකට පමණක් සීමා කිරීමට උත්සුක වෙයි..

"මචන් .. අන්න අරුන් උඹට හිනා වෙනවා පිස්සෙක් කියල..."

හ්ම්ම්.. එය හැබැවටම සිනහවක්ද..? එසේනම් ඔවුන් මට "පිස්සෙක්" කියලා හිනාවෙන්නේ මන්ද..? බොහෝවිට අප සිනහවන්නේ සතුටක දීමද.?? ඒත් සතුටකදි අප සිනහ වනවාට වඩා කරන්නේ අඩන එකය. එහෙනම් මම පිස්සෙක් වීම අන් අයට හුදෙක් සතුටක් වේද..? 
ඒත් එහෙනම් උන් අඩන්න ඔනනේ. 

අනේමන්දා මටනම් ඇති පිස්සුවක් නැත. නමුත්, ඔවුන්ට මා පිස්සෙකි. එයට හේතුව මම මාවම විශ්වාස කිරීමද..? එහෙමත් නැතිනම් මා සම්ප්‍රදායට පිටින් ක්‍රියා කිරීමද.? 

පිස්සෙකුට වුවත් හිනා වන්නේ තවත් පිස්සෙකුම නොවේද..?

මා පෙරට එන උන් මා දෙස බලා කට කොනකින් හිනාවේ.. "උන්ගේ කටට මොනවා වෙලාද" මට සිතේ. ඇයි උන් මට එහෙම හිනාවෙන්නේ ..??

අනේමන්දා.. මගෙන් උන්ට වැඩකුත් නැත. උන්ගෙන් මටත් වැඩක් නැත.